Ենթադրենք, որ գրված թվերը այդ մրգերը գնելու համար պահանջվող գումարն է: Մեր խնդրի նկարով տրված պայմանները կարող ենք գրել.
- մի բանանն ու մի խնձորը միասին արժեն 5
- մի խնձորն ու մի տանձը միասին արժեն 6
- մի տանձն ու մի բանանը միասին արժեն 3:
Ամեն մրգից երկուական գնենք:
Գնված մրգերը վերադասավորենք` խնդրի պայմաններին համապատասխան`
Գնված մրգերը վերախմբավորենք`
Երկու եռյակները միասին արժեն 14, ուրեմն եռյակներից յուրաքանչյուրը կարժենա 7:
Պատասխան՝ 7:
Կարող ենք նաև այսպես մտածել.
Առաջին երկու պայմաններից հետևում է, որ տանձը բանանից 1-ով ավելի է: Եթե երրորդ պայմանում տանձը փոխարինենք բանանով, աջ մասը մեկով կփոքրանա, կստանանք, որ 2 բանանը 2 է: Ստացանք, որ բանանը 1 է, տանձը` 2: Հեշտ է գտնել, որ խնձորն էլ կլինի 4: Եթե ամեն մրգից մեկական վերցնենք գումզրը կլինի 7:
Պատասխան՝ 7:
2.Նապաստակը մեկ օրվա ընթացքում պարտադիր ուտում է կամ 5 հատ գազար, կամ 2 գլուխ կաղամբ: Մեկ շաբաթվա ընթացքում նա կերավ 15 գազար: Քանի՞ գլուխ կաղամբ է կերել նապաստակը այդ շաբաթվա ընթացքում:
Մեկ շաբաթվա ընթացքում նա կերավ 15 գազար, օրվա ընթացքում պարտադիր ուտում է, կա՛մ 5 հատ գազար, կա՛մ 2 գլուխ կաղամբ , այս պայմաններից երևում է, որ երեք օր կերել է միայն գազար, մնացած օրերն էլ կուտի կաղամբ:
15:5=3
7-3=4օր
4×2=8
Պատասխան՝ 8:
3. 25սմ երկարություն ունեցող ժապավենը քանի՞ մմ-ով է երկար 1դմ 9սմ երկարությամբ ժապավենից:
Բերենք նույն միավորի՝
25սմ=250մմ
1դմ 9սմ =19սմ=190մմ
250-190=60մմ
Պատասխան՝ 60մմ:
4. A թվից դեպի ձախ գրված է 18 թիվ, իսկ դեպի աջ 8 թիվ: Քանի՞ թիվ է գտնվում A թվի և մեջտեղում գրված թվի միջև:
Կոորդինատային ուղղի վրա նշված է 27 հատ թիվ` A թիվը և ավելացրած 18+8=26 հատ թվերը:
18+1+8=27
Այսինքն, որ ծայրից էլ հաշվենք 14-րդ թիվը կգտնվի թվերի այդ հաջորդականության մեջտեղում:
Հաջորդականության մեջտեղի թիվը կլինի 14-րդը, որ ծայրից էլ հաշվենք: Հաջորդականության աջ ծայրից հաշվենք 14-րդ թիվը, այն կլինի A թվի ձախ կողմից հինգերորդը, ստացվեց, որ Aթվի և հաջորդականության մեջտեղում գրված թվերի միջև կա չորս թիվ:
Պատասխան՝ 4:
5. Գտնել ուղղանկյան պարագծի երկարությունը, եթե նրա երկու մեծ կողմերի և մեկ փոքր կողմի գումարը հավասար է 25-ի, իսկ երկու փոքր և մեկ մեծ կողմերի գումարը 23-ի:
Ուղղանկյան երկու մեծ կողմերի և մեկ փոքր կողմի գումարը հավասար է 25-ի, իսկ երկու փոքր և մեկ մեծ կողմերի գումարը 23-ի, այս պայմաններից երևում է , որ մեծ կողմը երկուսով ավել է փոքր կողմից:
(25-2-2):3=7
7+2=9
P=7+7+9+9=32
Պատասխան՝ 32:
Սվետլանա Համբարձումյանի բլոգ 